Friðrik Dór í Eldborg 9. september


Það er með mikilli ánægju sem Rigg viðburðir kynna samstarf við poppstirnið Friðrik Dór um tónleika í Eldborg laugardaginn 9. september.
Tónleikarnir verða hinir glæsilegustu þar sem söngvarinn flytur alla sína helstu smelli ásamt 12 manna hljómsveit, dönsurum og gestum. Þetta er í fyrsta sinn sem Friðrik kemur með hljómsveit á sínum eigin tónleikum. Meðfylgjandi er fréttatilkynning sem send hefur verið á alla fjölmiðla.

FRIÐRIK DÓR
ELDBORG 9. SEPTEMBER
KL. 16:00/20:00

Miðasala hefst fimmtudaginn 8. júní kl. 10:00 á tix.is og harpa.is.

Það er óhætt að segja að Friðrik Dór Jónsson sé okkar allra dáðasti tónlistarmaður í dag.
Eftir að hafa náð 6 lögum á toppinn og enn fleirum á topplista er kominn tími á að sjá hann flytja
alla sína bestu smelli í sparifötunum á stóra sviðinu í Hörpunni ásamt 12 manna hljómsveit,dönsurum og gestum.

Hér fá aðdáendur Friðriks að heyra stórsmellina „Fröken Reykjavík”, „Skál fyrir þér”, „Í síðasta skipti”, „Hlið við hlið”,
„Keyrum ett’ð í gang”, „Til í allt”, „Dönsum eins og hálfvitar” og fleiri lög í frábærum
útsetningum og í glæsilegri umgjörð að hætti Rigg viðburða.

NÝTT LAG FRUMFLUTT 6. JÚNÍ Á ÚTVARPSSTÖÐVUM
Aðdáendur Friðriks eiga von á góðu í næstu viku þar sem nýtt lag lítur dagsins ljós.
Lagið heitir „HRINGDU Í MIG” og er samið af okkar manni ásamt StopWaitGo.
„Lagið er silkumjúkur danssmellur í anda þeirra laga sem ég var að gera á fyrstu plötunni minni, Allt sem þú átt.
Ég er mjög sáttur við útkomuna og hlakka mikið til að leyfa landanum að heyra.” segir Friðrik Dór sem er
einnig gríðarlega spenntur fyrir tónleikunum 9. september nk. „Þetta er náttúrulega bara draumur að rætast.
Að flytja lögin mín með lifandi hljómsveit í sparifötunum í Eldborg. Þetta verður alger negla.”

ATH!
Barna-og fjölskyldutónleikar kl. 16:00.
Tónleikarnir eru 60 mínútur án hlés.
Miðaverð 2990/3990/4290/4990/5990.

Kvöldtónleikar kl. 20:00.
Tónleikarnir eru 2 tímar og 15 mínútur með hléi.
Miðaverð 4990/5990/6990/7990/8990.

Sannarlega viðburður sem enginn má missa af!

Hljómsveitarstjóri: Ari Bragi Kárason
Danshöfundur: Birna Björnsdóttir
Búningar: Margrét Einarsdóttir
Hljóðmynd: Stop Wait Go
Hljóðmaður: Haffi Tempó
Ljósamaður: Magnús Helgi Kristjánsson
Grafík og uppsetning: Friðrik Ómar
Tónleikahaldari: Rigg viðburðir.

Hljómsveit:
Ari Bragi Kárason trompet
Samúel J. Samúelsson básúna
Björgvin Ragnar Hjálmarsson saxófónn
Þorvaldur Þór Þorvaldsson trommur
Andri Ólafsson bassi
Reynir Snær Magnússon gítar
Magnús Jóhann Ragnarsson hljómborð
Benedikt Freyr Jónsson plötusnúður
Regína Ósk Óskarsdóttir raddir
Ásgeir Orri Ásgeirsson raddir
Elísabet Eyþórsdóttir raddir

< < Til Baka

Fréttir

Til heiðurs George Michael

March 30, 2018

Það ætlaði allt um koll að keyra þegar stórskotalið Rigg viðburða heiðraði minningu George Michael í Eldborg með glæsilegum...

Friðrik Dór í Eldborg 9. september

June 1, 2017

Það er með mikilli ánægju sem Rigg viðburðir kynna samstarf við poppstirnið Friðrik Dór um tónleika í Eldborg laugardaginn...

Bestu lög Vilhjálms-Aukatónleikar

February 14, 2017

Friðrik Ómar flytur perlur Vilhjálms ásamt gestum og 16 manna hljómsveit undir stjórn Karls Olgeirssonar í glæsilegri umgjörð. Björt...